egy kidz

العناية بشعر أطفالنا

   النهارده هتكلم معاكم عن الشعر... في البدايه عاوزه اتفق معاكم على حاجه مهمه

متستعجلوش انكم تحطو مواد كيماويه على شعر ولادكم والامهات اللي عندهم بنات وهيتجننو ان شعرهم يطول

..اصبروا شويه عليهم ومتستعجليش هتشبعي تسريح وتوك ...متخافيش

 كمان راعوا الظروف الوراثية


غسل شعر البيبي من مره لمرتين اسبوعيا -

او طبقه القشره اللي في رأس البيبي دي اغسليه مرتين في الاسبوع الغسيل لوحده كفايه cradle cap لوفيه

 بس بردو ممكن تستعمليشامبو للقشره ولو دهنتي قبل الغسيل زيت زتون هيساعد ان القشره تفك شويه

وتنزل في الغسيل

 

ايه الفرق بين شامبو الاطفال والشامبو العادي؟؟ -

دي مادة بتنشف الشعر شويه بس مابتأثرش علي الكبار بدرجة عالية لان فروه راسهم دهنيه اكتر anionics  الشامبو العادي فيه

اما شامبو الاطفال مش موجود فيه المادة دي وكمان مش بيحرق عينيهم بس بردو خلي بالك لان في اطفال بردو عينيها بتحرقها


ازاي تسرحي شعر ابنك او بنتك؟؟ -

بفرشاه او مشط بسنان واسعه ياريت لو الشعر يكون جاف 

تسريح الشعر يبدأ من الاطراف مش من فوق عشان متعقديهوش اكتر 

متشديش طبعا الشعر جامد بالتوكه لورا عشان مايتنحلش من الامام 



 اسباب سقوط الشعر في الاطفال -

اولا : أسباب طبيه

 

Tinea capitis -1 

فطريات بتصيب الشعر

الصوره المرضيه وجود منطقه دائربه او بيضاويه من فروه الراس اما مغطاه بقشره بيضاء او رماديه وخاليه من الشعر

او الشعر مكسور قرب فروه الرأس فيظهر علي شكل نقط سوداء

 اول ما تشوفي المنظر ده جري على دكتور الجلديه هياخد علاج مضاد للفطريات بالفم ومعاها حاجه موضعيه

وشامبو مضاد للفطريات

الحاله دي معديه فالطفل المصاب يكون له المشط بتاعه ومخدته اللي ينام عليه ومحدش يلبس كاب او برنيطه هوا بيلبسها

الثعلبه alopecia areata -2 

 منطقه دائريه او بيضاويه خاليه من الشعر  غير معديه مفيهاش قشره او شعر مكسر ممكن تكون مصحوبه

بحفر سطحيه في الاظافر

الاطفال الصغيرين بتتعالج بمراهم او كريمات كورتيزون و الاكبر بيتعملهم حقن كورتيزون في المنطقه دي

والشعر بيرجع يطلع بعد  8 - 12  اسبوع 


Trichotellomania -3

 

 

و هو شد الشعر اراديا بصفه مستمره قهريه

او ضغط عصبي يعني زي وفاه احد الاباء او الاقارب او ولاده طفل جديد

او مشاكل في المدرسه stress  بتحصل في حالات

الطفل بيمسك حته معينه في شعره ويشد ويبرم فيها باستمرار فالشعر بيضعف ويقع وبتكون ناحيه اليد اللي بيستعملها الطفل


Telogen effluvium -4

  سقوط الشعر بعد اما ازمه نفسيه بردو او بعد دور سخونيه جامده او عمليه جراحيه مثلا بتخدير كلي او حادث اليم في محيط

عائلته , الشعر بيقع بعدها ب 6 - 16 اسبوع


Nutritional deficiency -5

  وده اللي بنكلمكم عليه دايما صحه الشعر والبشره والاظافر من صحه الجسم كله لازم نهتم بالغذاء الصحي

المتكامل لاطفالنا


Endocrinal problems -6

  او مشاكل في الغدد الصماء زي نقص هرمون الثيروكسين

الاسباب دي متفرقش عن الكبار في حاجه


ثانيا: أسباب غير طبيه


( زي سقوط شعر البيبي ( الحكايه اللي بتخضكو كلكم دي -

سقوط الشعر في المكان اللي الطفل دايما نايم عليه بسبب الاحتكاك بالمخده او بالكرسي بتاع البيبي -

تسريح الشعر بطريقه عنيفه خاطئه -

شد الشعر جامد بالتوكه للبنات - 

 

 

دكاترة عيال علي أد الحال